O pronome de solidariedade e o Dativo de interese

O pronome de solidariedade é unha forma do pronome átono de segunda persoa que se emprega cando se quere facer participar ao interlocutor (ou interlocutores) do que estamos a dicir, implicándoo afectivamente na acción expresada polo verbo.

A información que expresamos nunha oración non se ve alterada pola presenza ou ausencia do pronome de solidariedade. Distinguímolo dos outros pronomes en que, se o suprimimos, non se altera a frase.

• Eu márcholle que levo présa
• ¡Estache boa a comida!
• Évos unha boa cousa
• Estache unha tarde fantástica.
• Évos unha historia ben rara.
• Vaille unha calor impresionante.

As formas son distintas segundo sexan un ou varios interlocutores e segundo empreguemos o tratamento da familiaridade ou o de cortesía:

	Un interlocutor	Varios interlocutores
Tratamento familiar	che	vos
Tratamento de cortesía	lle	lles

Cando nos diriximos a varios interlocutores e temos, polo tanto, que usar a forma de plural do pronome de solidariedade, pode aparecer tamén unha forma redundante singular:

• Estáchevos boa a comida, Maruxa!
• Échevos unha boa cousa

http://aprendogalego.com/APRENDO/4-pronomebac/pronome_de_solidariedade.html

https://www.ogalego.eu/exercicios_de_lingua/exercicios/morfoloxia/pronome.htm#10

O dativo de interese

É un pronome que indica a persoa que intervén na acción porque dela recibe proveito ou dano. As súas formas son "me" "che" "lle "nos" "vos" "lles"

Sen dativo de interese	Con dativo de interese
Meu fillo aprobou moitas asignaturas	Meu fillo aproboume moitas asignaturas
Meu fillo non aprobou moitas asignaturas	Meu fillo non nos aprobou moitas asignaturas

http://aprendogalego.com/APRENDO/4-pronomebac/dativo_de_interese.html